Provintzia de Aristanis. Madau (Repubricanos): "Nono a ndi liai is trenus po chini viagiat in su mes'e austu"

(IlMinuto) – Casteddu, 12 de su mes'e argiolas - "Pediri chi Trenitalia torrit agoa asuba de su detrminu pigau e chi ndi liat is Trenus útilis po chini viagiat de sa Provìntzia de Aristanis in su mes'e austu". Cun custu obietivu su consilleri de is Repubricanos, Sebastian Madau, at a presentai tra pagu diris un'interrogatzioni a su Presidenti de sa Provìntzia, Massimiliano De Seneen, e is assessoris cumpetentis. "No si podit acetai - precisat su rapresentanti indipendentista - chi Trenitalia, in is cunditzionis pagu bellas medas de su serbítziu donau a sa genti, si permitat de ndi liai is trenus útilis no scéti a chini viagiat dónnia diri, ma puru a is turistas e a is sardus chi torrant a domu in su mes'e austu".