Presonis: Sdr, magistrau donat su permissu a unu presoneri po andai a agatai sa mama malàdia. Dap amenguat is ora de s'atopu

(IlMinuto) – Casteddu, 27 de su mesi de argiolas - Su magistrau de su Tribunali de Guardania de Casteddu iat donau a L.B. - presoneri de 15 annus in su presoni de Buncammino - unu permissu de cuàturu oras po andai a agatai a sa mama, malàdia meda e chi bivit in d-una biddixedda de sa Calabria. Su Dipartimentu de s'Aministratzioni Penitentziària at perou amenguau custu permissu a duas oras. Ddu denutziat cun d-una nota sa Presidenti de s'Assótziu "Diritti e Riforme", Maria Grazia Caligaris. S'atopu mama-fillu - acrarat su comunicau - at cumandau unu viàgiu andada e torrada Casteddu-Roma-Regiu Calabria po ses personis e unu trasferimentu cun d-unu médiu de sa Politzia penitentziària po 160 chilómitrus.

"Unu tour de force - narat Caligaris - chi parrit giustificau scéti de [...] unu pensu castigadori de sa norma. Su Dap fai biri de no tenni fidi in s'òbera de curretzioni de su presoni".