Disterru: in Casteddu sa Summer School de is fillus de sardus in su mundu

(IlMinuto) – Casteddu, 14 de su mes'e argiolas - Tenint de is 18 a is 30 annus e benint de s'America, de s'Australia e de su centru Europa, ma tenit un'acàpiu mannu cun sa Sardinna. Funt 30 is participantis a sa Summer school de su 2011, un'iscola totu po is fillus de is disterraus sardus in su mundu. Is giòvanus ant essi aghillius in Casteddu po 11 diris e cras a merì ant a tenni un'atopu, in sa saba consiliari de su Palatzu Régiu, cun s'assessori provintziali a is Políticas giovanilis Marta Ecca e cun sa Consulta provintziali de is giòvanus. "Est de importu mannu - precisat Ecca - chi sa Provìntzia de Casteddu oberrat is ennas de is palatzus suus chentz'e traixi su díciu asuba de s'acasàgiu sardu 'Sa domu est pitica, su coru est mannu', promovendi unu mamentu de atopu aici importanti tra is giòvanus de su territóriu nostru e sa genti chi, puru sendu atesu, cundividit d'identidadi nostra". Su progetu est fattu de sa Filef po contu de sa Faes.