Cinc’annus de s’Operatzioni Arcadia: lúnis sit in a fac’e su Tribunali de Casteddu

(IlMinuto) – Casteddu, 8 de su mes'e argiolas - S'11 de su mes'e argiolas de su 2006 dexi tra is militantis e is dirigentis de aMpI beniant arrestaus in s' Operatzioni Arcadia de sa Diretzioni distretuali contr'a su terrorismu de Casteddu cun d-unu spricullitu ghiau de su pm Paolo De Angelis. Lúnis chi benit a cinc'annus giustus giustus de is s'acontéssia, a Manca avisat unu presídiu a is 11.00 a fac'e su tribunali de Casteddu po - si ligit in d-una nota - "denuntziai sa repressioni italiana in cunfrontus de su movimentu indipendentista". "A cinc'annus de s'arrasteddamentu italianu - si ligit in d-una nota de imprenta - "is militantis nostrus e is dirigentis funt ancora abetendi de cumprendi poita ant passau un’annu de vida a is arrestus biu ca su processu no s’est mai tentu e ca su spricullitu no est stetiu mai archiviau. Su 10 de su mes'e làmpadas de su 2009 Bruno Bellomonte, dirigenti giai arrestau in s'Operatzioni Arcadia, est stetiu torrau a ponni in presoni po un'àteru spricullitu, totu custu testimoniat ca sa màchina de sa repressioni italiana traballat chentz'e pàsiu contr'a su progetu de sa manca indipendentista. Cinc'annus de terrorismu italianu no ant frimmau sa boluntadi de costruiri s'indipendentzia e su sotzialismu in custa terra".