Apuntamentus: torrat "Racconti animati all’aperto"

(IlMinuto) – Casteddu, 8 de su mes'e argiolas - Est arribada a sa tertza editzioni "Racconti animati all’aperto", sa manifestada, po is pipius tra is cuatru e 10 annus chi promovit su ligimentu a boxi arta. Su progetu s'at a tenni in tre logus diversus: sa Biblioteca comunali de Biddesorris, s'Ortu Botanicu e su Parcu de is Emutzionis de Casteddu. Mentris su Comunu de Biddesorris at giai cumentzau cun sa cosa, chi at a sighiri fintzas a su 9 de su mes'e cabudanni, is sedis casteddaias de su progetu ant a fai duus calendàrius diversus. S'eventu at essi difatis aghillu de s'8 a su 22 de su mes'e argiolas e de su 5 de su mes'e austu a su 2 de su mes'e cabudanni de s'Ortu Botanicu de Casteddu, mentris de su 17 a su 19 de su mes'e argiolas, "Racconti animati all'aperto" at essi fattu in su Parcu de is Emutzionis de Molentargius. Sa manifestada est aprontada de s'Assótziu de Promotzioni Sotziali Libriforas cun s'agiudu de s'Ortu Botanicu - Dimpartimentu de Sciéntzias Botanicas - Universidadi de is Istudius de Casteddu, de sa Biblioteca Comunali de Biddesorris, de su Parcu de is Emutzionis e de sa libreria po piciocus "Tuttestorie".

Po pediri scedas e po s'iscriri:

Stefania Zaccheddu 349 7205171

Anna Rita Pani 347 0056112