Acuntéssia E.On, Zirichiltaggia: "54mila eurus a Publitalia e nimancu unu tzentésimu a is sardus"

(IlMinuto) – Casteddu, 25 de su mesi de argiolas - E.On at donau a Publitalia '80 Spa 54mila eurus po torrai a donai vida prena a su territóriu de sa Sardìnnia e a is costeras suas agoa de sa destrossa de s'11 de su mesi de gennàrgiu, "ma no at spendiu nimancu unu tzentésimu po su pagamentu de is dannus a is sardus". Est cantu denuntziat cun d-una nota publicada in Faceebook Daniela Piras de s'assótziu culturali Zirichiltaggia de Tàtari. Ariseru a mangianu - acrarat Piras - a su cuàturu, in su programa "Pianeta mare", ant fatu unu serbítziu chi fueddàt de su tataresu una bella fita de su programa est stetia dedicada a promovi su territóriu. Totu custu - si ligit in d-una nota - nascit de un'acórdiu intre su Comunu de Tàtari e sa multinatzionali tedesca E.On, acórdiu fillu de su chi pedit sa Giunta Cappellacci, est a nai de un'agiudu po torrai a fai bolai sa màgini de su territóriu, postu mali meda po mori de sa destrossa de s'11 de su mesi de gennàrgiu, diri chi bidiat 55mila litrus de ollu combustìbili in mari po mori de un'intzidenti grai meda". "Sa Sardìnnia - precisat s'assótziu - s'iat a promovi beni meda a sola si no fessat ca depit fai torrai a bolai sa própriu màgini, a bortas arruinada de mostrus chi funt scéti impestadoris [...]. Est po crupa de multinatzionalis chi impestant chena de torrada,  lassendu is intzidentis, chi su litorali de su tataresu no tenit saludi bella e, po mori de custu is turistas funt pagus meda. Ghetai is impiantus bécius, pagai su giustu po is dannus fatus e fai is boníficas netzessàrias. Custa ai chi iat a essi un'òbera cuncreta".