Trasportus: disterraus sardus in pratza contr’a sa “carestia de is traghetus"

(IlMinuto) – Casteddu, 8 de su mes'e làmpadas - Sa "flota sarda" no est bastanti. Sa "carestia de is traghetus" at fattu movi a is assótzius sardus in Itàlia a cabai in pratza po pediri "una 'continuità territoriale' noa" in su cumpartu aereu e in cussu maritimu. S'apuntamentu est in programma po mérculis 15 de su mes'e làmpadas in Roma (11.30, Pratza Santi Apostoli). In su Laziu ant a manifestai sardus chi ant a lompi de totu sa Penísula. "Is sardus de s'Itàlia e de s'Europa - precisat sa Fasi - acotzant dógnia progetu, puru a cussu istraordinàriu de sa Regioni Sardigna de s'afitu de is nais po s'istadiabi. Est a nai a dógnia progetu chi bolit abbàtiri sa carestia po agiudai a is residentis a si movi, po agiudai a is disterraus, a is turistas i a is mercis". De sa manifestada aprontada de sa Fasi s'at a chistionai custumerì in Pisa (21.00, Polu didàticu Carmignani) in d-un'assembrea aprontada de Arbeschida.