"S'iscola sarda no mollat". In Casteddu si movint po no liai is cursus de su merì

(IlMinuto) – Casteddu, 27 de su mes'e làmpadas - Sighit sa mobilitada po ndi liai a is cursus de su merì. Custu mangianu in Casteddu, a cumentzai de is 11.00, s'ant a donai, a fac'e su Liceu clàssicu Dettori, bolantinus po fai connosci a sa genti sa protesta chi benit mandada ainnantis de is maistus precàrius. Una protesta contr'a a su provedimentu chi ndi liat is cursus de su merì. Dd'ant a fai in is oras chi bint is scientis impegnaus in terza proa de s'esamu de Stadu. S'iscola sarda - si ligit in d-una nota fatta connosci in su social network Facebook de su maistu precàriu e consilleri provintziali de Sel Andrea Dettori - no mollat i at a arrespundi a is provedimentus chi su guvernu aprovat e chi bit sa Regioni abasciai sa conca". "Su guvernu - sighit Dettori - pensat a s'iscola comenti unu sistema ammesturau tra púbblicu (abbandonau a cussu etotu) e privau (finatziau sèmpiri de prus) in custu est su rédditu de is famílias a fai sa difaréntzia. A totu custu s'aciugit puru ca bolint liai is cursus de su merì. Est necessàriu sighiri sa protesta".