“S’impresonamentu de Bellomonte est un’illegittimo impedimento”, Sni participat a sa manifestada po pediri sa libertadi de s’indipendentista

(IlMinuto) – Casteddu, 6 de su mes'e làmpadas - Sàbudu chi benit puru Sardigna Natzione Indipendentzia at essi in pratza in Tàtari po pediri de liberai a Bruno Bellomonete a duus annus giustus giustus de s'arrestu. Su corteu - aprontau de a Manca pro s'Indipendentzia - at a tucai a is 16.30 de s'"emiciclo" Garibaldi. "Sa presonia de Bruno Bellomonte - si ligit in d-una nota de imprenta firmada de su cordinadori natzionali de Sni Bustianu Cumpostu - est unu 'illegittimo impedimento'. De duus annus a Bruno dd'est stetiu impediu in modu illegali de bivi". "Sni - precisat Cumpostu - connoscit e stimat a Bruno Bellomonte, dirigenti de aMpI e rapresentanti de Unidade Indipendentista, scit ca Bruno at sèmpiri fattu su doveri suu de militanti, comenti totu nos, a sa luxi 'e su sobi e ca no at mai cretiu in sa lota armada comenti métodu po resòlviri chistionis chi depint tenni una solutzioni política". "Seus segurus - concluit su leader de Sni - ca Bruno siat vitima de una marrania chi at a falliri comenti at falliu cussa giai acontéssia tempus fait e lamada operatzioni Arcadia, at a creai istrobbus, po su prus a sa família de Bruno, ma no a at a frimmai s'impignu indipendentista suu e ansis dd'at afortiai comenti at a afortiai totu sa lota indipendentista".