Sanidadi. Is Oss sfidant a Liori: "In pratza duas bortas a sa cida fintzas a chi no s'at a donai is arrespustas chi circaus"

(IlMinuto) - Casteddu, 10 de su mes'e làmpadas - Seti mesis de sit in e dinúntzias no funt bastaus. De oi is Oss de su comitau art.97 e su sindacau Usb avisant un'atóbiu nou: po duas bortas a sa cida ant a manifestai "po dinuntiziai a is isperdíssius chi fait sa sanidadi e po dinuntziai puru a is políticas de acotzus in is nóminas". "Cunditzionis - si ligit in d-una nota - chi no nascint de unu babbu chi no si connoscit ma tenit unu nòmini, unu sambenau e unu responsàbbili: s'assessori de sa Sanidadi (Antonello Liori, ndr) est su primu. E po custu chistionaus cun issu e no eus a finiri fintzas a candu no eus a otèniri arrespustas chi no s'ant a bastai [...]. Sa sanidadi púbblica no podit essi una propriedadi de nemus. De nesciunu políticu". Sa protesta at a cumentzai custu mangianu cun d-unu sit in a fac'e s'assessorau de sa Sanidadi, in bia Roma, in Casteddu.