Sanidadi. "Liori comenti Brunetta: arruinat is diritus de is precàrius" Comunicau Usb-Zuncheddu

(IlMinuto) – Casteddu, 27 de su mes'e làmpadas - "S'assessori regionali a sa Sanidadi Antonello Liori sighit a donai númerus a brétiu comenti si fessat pagu lúcidu a conca". Est cantu narant in d-una de imprenta única su sindacau Usb e su consilleri regionali indipendentista Claudia Zuncheddu, arrespundendi a is fueddus de calencuna diri fait de su rapresentanti de sa Giunta regionali. "Sa dimanda de pigai is 500 Oss - iat nau Liori arrespendundi a is precàrius chi funt graduatória agoa de ai passau su concursu púbblicu - no si podit arriciri". In su trastempus in sa sanidadi púbblica - po su prus in su Brotzu de Casteddu - si sighint a arruinai is diritus de is precàrius e si sighit a afibbiai a is cumitaus is dimandas po pigai traballadoris chi tengat cualíficatotu custu invecis benit de is diretoris sanitàrius de is Asl sardas etotu, comenti cumprovant is datus fattus connosci de s'assessori etotu".