Processu “Bateragune”: sa solidariedadi de aMpI a sa manca indipendentista basca

(IlMinuto) – Casteddu, 30 de su mes'e làmpadas - "Si propòniri un'abilidadi paxiosa e democràtica est unu delitu, insaras seus culpàbilis". Funt custus is fueddus chi su rapresentanti indipendentista bascu Arnaldo Ortegi at nau martis a fac'e de is giugis spagnolus de s'Audencia nacional, in sa primu diri de su processu "Bateragune". Imputaus funt unus cantu de rapresentantis de sa manca indipendentista basca acusaus de tenni comenti progetu cussu de torrai a fai su partidu illegali Batasuna. Asuba de s'acuntéssia, fueddat cun d-una nota, a Manca pro s’Indipendentzia. "Espressaus - scririt s'organizatzioni de sa manca indipendentista sarda - a is militantis trisinaus in cust'acontéssia chi no tenit ni conca ni peis comenti no tenit ni conca ni peis da giustítzia spagnola etotu, totu sa solidariedadi nostra. Su stadu spagnolu depit cumprendi ca  in Euskal Herria est girau su bentu, sa boluntadi de su pópulu traballadori bascu est cussa de agatai una solutzioni política a su pletu po lompi a una soverania natzionali prena". "Batasuna – sighit sa nota - no tenit abbisóngiu de torrai a essi fattu a nou poita no est àteru chi sa manca arrexinada in su coru de su pópulu i est aici gràtzias a su progetu de mudamentu sotziali mandau ainnantis. Custu mantessi progetu est stetiu premiau a is úrtimu eletzionis amministrativas, chi at biu in d-unus cantu logus sa manca indipendentista (cun sa sigla Bildu) superai su 30%