“Movimentu No Tav animigu púbblicu de su centru-dereta e de su centru-manca”. Sa solidariedadi de su Cumitau Sinonucle

(IlMinuto) – Casteddu, 29 de su mes'e làmpadas - Sa comunidadi de sa Val di Susa in lota contr'a su fàbbricu de sa Tav no est a sola. Puru su Cumitau sardu Sinonucle espressat sa solidariedadi a su movimentu piemontesu, a pustis de s'ocupatzioni militari de lúnis a manginu acontéssia in terrenus innui si depint fai is traballus. "Su movimenti No Tav - narat su Comitau in d-una nota - de dex'annus animigu comunu púbblicu, in Itàlia, de totu sa política de centru-dereta e de casi totu su centru-manca, s'est impostu comenti su movimentu populari de arresesténtzia a su […] neoliberismu europeu, prus arrexinau". Po permiti a pagu genti de viagiai asuba de 'línias' de primu classi - precisat su comunicau - si bocint bacus […] e muntànnias po mori de una ingenneria chi strupiat e chi cunstringit sa majoria de is citadinus a línias bécias meda, a camminus pagu segurus i a carrossas malipostas".