Mostras: in Casteddu "Puru is murus Chistionant"

(IlMinuto) – Casteddu, 14 de su mes'e làmapadas - "Anche i muri Parlano". Est su títulu de sa mostra-cuncursu de fotografia chi at a benni inaugurada cenàbara primu de su mes'e argiolas a is 17.00 in is aposentus de sa Galleria de su "Sperone". S'aparada, promòvia de sa Coperativa "Blu Pegaso", e nàscia de una bidea de Michele Puddu, contat sa citadi chi mudat. 30 fotografias dividias in duas setzionis: is fotografias cun is murus prus bellus de Casteddu e is fotografias cun is murus prus légius de sa citadi. Bellesa e legesa, murus ofendius e murus pulius, murus - si ligit in d-una nota - "chi chistionant de istória e murus chi ammostant sa ruina, murus ammantaus de folla era e murus ammantaus de pubblicidadi, murus chi chistionant de política de amori, murus ammantaus de grafitus e murus lassaus simplementi liberus, murus marcaus de tag e murus chi faint pensai...". Una mostra insolita, chi bit su púbblicu diventai protagonista. A chini andat a biri sa mostra at a tocai su cómpitu de s'espressai asuba de sa fotografia chi dd'est pràxia de prus, i asuba de sa fotografia prus bella e de cussa prus légia, decretendi aici su bincidori de sa mostra- cuncursu. Sa mostra s'at a podi biri totu is diris foras de su lúnis, de is 10.00 a is 13.00 e de is 17.00 a is 20.00.