"Bruno líberu". A dexi diris s'isciòpiru de su fàmini po pediri su liberamentu de Bellomonte

(IlMinuto) – Casteddu, 21 de su mes'e làmpadas - Est arribbadu a dexi diris s'isciòpiru de su fàmini po pediri de liberai debressi a Bruno Bellomonte. Oi no papant Antonello Turra, Antonello Tiddia e Mauro Ciummo Sanna. S'isciòpiru de su fàmini, promòviu de su Cumitau "Lavoratori pro Bellomonte", est cumentzau domínigu 12 de su mes'e làmpadas e fintzas a immoi at biu sa participatzion de pagu prus de 15 personis. S'obietivu de sa cosa est cussu de tarribbai debressi a su spresonamentu de Bellomonte, su dirigenti de a Manca pro s’Indipendentzia de duus annus e úndixi diris in impresonamentu cautelari asuba de acusas chi no tenit ni conca ni peis. "Unu teorema (s'apariciu de un'atentau cun modelleddus aereu radiocumandaus a su G8 de Madalena) - acrarant is aprontadoris - assurdu e chentz'e fundamentu, comenti si bit de su processu chi s'est sboddiendi".

Po scedas e po participai: Antonello Tiddia 338/5931619 – tiddia.ant@gmail.com