“Bruno liberu!”: arribat a 17 diris s'isciòpiru de su fàmini po pediri de liberai a s'indipendentista

(IlMinuto) – Casteddu, 28 de su mes'e làmpadas - Est lòmpiu a 17 diris de fil'e pari s'isciòpiru de su fàmini po pediri su liberamentu lestru de Bruno Bellomonte, su dirigenti de a Manca pro s’Indipendentzia e sindacalista de duus annus in impresonamentu cautelari po mori de acusas chi no funt stetias mai cumprovadas. Oi no ant a papai Maurizio Faedda (a sa segunda diri de fil'e pari de isciòpiru) e Antonello Tiddia (chi no papat de domínigu). In totu funt pagu prus de 25 is personis trisinadas in sa protesta promòvia de su Cumitau "lavoratori pro Bellomonte" po pediri su liberamentu de s'indipendentista de manca in presoni - acrarant is aprontadoris - po mori de unu teorema (s'ammanitzamentu de un'atentau cun modelleddus aereu radiocumendaus a su G8 de Madalena) foras de contu, comenti comprovat su processu chi s'est sboddiendi de unu bellu pagheddu de tempus".

Po scedas asuba de sa protesta:

"Comitato lavoratori pro Bellomonte" Antonello Tiddia 338/5931619 – tiddia.ant@gmail.com