Bandhera italiana de 200 m in su Corrasi. Meloni (Paris): "Seus a concuista de sa Sardigna de parti de is alpinus"

(IlMinuto) – Casteddu, 1 de su mes'e làmpadas - Su 5 de su mes'e làmpadas - po s'atou nugoresu insoru - is alpinus at a prantai in su monti Corrasi, in territóriu de Ulìana una bandhera italiana longa 200 metrus, e dd'ant a fai po afestai a is 150 de s'Unidadi de Itàlia. Sa cosa at incidau s'annébbiu de su leader de is indipendentistas de Paris-Malu Entu, Doddore Meloni. Furiu seguru - scririt Meloni - ca su sensu se tzerachia de is sardus a faci di chinisiollat arribbit de su mari po si cumandai fessat arribbau in fundu 'e su putzu de sa bregúngia. Ma no ddoi fini a su pesus. Su 5 de su mes'e làmpadas de su 2011 iaus a depi assisti a sa concuista de sa Sardigna po manu de is Alpinus. Custus ant a sboddiai in su Monti Corrasi una bandhera italiana longa 200 metrus. A ddus abetai, ddoi ant essi s'assessori Crisponi e su Chef cumandanti in capu, Ugo Cappellacci. Si sa genti de Ulìana permitit totu custu - serrat Meloni - is ànimas de is óminis nostrus prus mannus tenit arrexoni a si furriai contr'a is paesanus insoru, chi ant perdiu cun custa cosa dógnia dignidadi".