Ambienti: in Monti Urpinu nascit su progetu ortus de sa citadi

(IlMinuto) – Casteddu, 21 de su mes'e làmpadas - Est acanta de biri sa luxi su progetu ortus de sa citadi in Monti Urpinu. Ddu fait sciri cun d-una sa presidenti de s'assótziu Musa (Monte Urpinu Salvaguardia Ambientale) Luisella Caria. "Eus individuau - acrarat Caria in d-una nota in su social network Facebook - unu tretu de 210 milla metrus cuadraus chi tenit abisóngiu de essi bonifacau po ponni un'ortu comunu […] acastiendi is matas chi ddoi funt giai". De fai is ortus de sa citadi in custu tretu birdi de Casteddu s'at a chistionai cenàbara chi benit. "Chini boli fai un'ortu cun nos comenti logu sotziali - precisat sa presidenti de Musa - est cumbidau a sa reunioni chi s'at a fai cenàbara 24 de su mes'e làmpadas de su 2011, a is 19.00 in bia Raffa Garzia, acanta de sa travessa chi serrat s'istrada po s'ex cava".