Acuntéssia Bellomonte: a sa cuinta diri s'isciòpiru de su fàmini po pediri de liberai a s'indipendentista

(IlMinuto) – Casteddu, 16 de su mes'e làmpadas - Est arribbau a sa cuinta diri s'isciòpiru de su fàmini po pediri de liberai debressi a Bruno Bellomonte, su dirigenti de a Manca pro s’Indipendentzia de duus annus in impresonamentu cautelari po mori - acrarant is aprontadoris - "de unu teorema (s'ammaniada de un'atentau cun modelleddus areus radiucumandaus a su G8 de Madalena) chen'e conca e chen'e peis, comenti ammostat su processu chi s'est sboddiendi". S'isciòpiru de su fàmini, promòviu de su Cumitau pro Bellomonte, est cumentzau domínigu 12 de su mes'e làmpadas. Oi isciopirant Federica Pau, Paola Alcioni, Sayli Vàturu (a sa cuarta diri de filepari de isciòpiru) e Matteo Curridori (a sa cuinta diri de filepari chen'e papai). Po ndi sciri de prus e po s'iscriri: tiddia.ant@gmail.com