Acuntéssia Bellomonte: 11 diris de isciòpiru de su fàmini po pediri su

(IlMinuto) – Casteddu, 22 de su mes'e làmpadas - Funt 11 is diris de s'isciòpiru de su fàmini po pediri debressi de liberai a Bruno Bellomonte. Oi no papant Gianluigi Deiana, Tina Ortu e Miriam Madau. Custa lota promòvia de su Cumitau "Lavoratori pro Bellomonte" est cumetzada, domínigu 12 de su mes'e làmpadas i a oi at giai pigau s'adesioni de pagu prus de 20 personis. S'obietivu de totu custu est cussu de fai liberai debressi a Bellomonte, su dirigenti de a Manca pro s’Indipendentzia de duus annus e 12 diris in impresonamentu cautelari asuba de acusas foras de contu. "Unu teorema (s'ammanitzu de un'atentau cun modelleddus aereus radiucomandaus a su G8 de Madalena) - acrarant is aprontadoris - chi no tenit ni conca ni peis, comenti si bit de su processu chi s'est sboddiendi".