Trasportus marìtimus. ProgRes: "In Roma traixas in promissas eletoralis"

(IlMinuto) – Casteddu, 18 de su mes'e maju - In sa campagna eletorali promovint a sa "flota sarda", ma comenti torrant in Roma dda bullant. Est custa, cantu denunciat ProgRes cun d-una nota de imprenta, sa coeréntzia de is políticus de su guvernu natzionali asuba de is trasportus marìtimus sardus. "In custas úrtimas diris - scririt s'organizatzioni indipendentista - totus is políticus de sa majoria de su guvernu italianu, cabaus in Sardigna a acotzu de is candidaus insoru a is amministrativas, ant bantau su progetu regionali de pigai in afitu is nais e cussu de fai una flota sarda po afrontai a sa chistioni de sa carestia de is trasportus […]. Torraus in Roma, setzius in sa mantessi mesa de is armadoris, ant furriau debressi su pensu insoru. Ant difendiu is interessus natzionalis (italianus) chi funt contr'a cussus sardus, e ant bullau su progetu de una flota sarda".