Trasportus: is indipendentistas de Malu Entu ocupant sa Nomentana contr’a sa “carestia de is traghetus

(IlMinuto) – Casteddu, 6 de su mes'e maju - "Pediri de pigai is tragehetus Tirrenia atressu de una sociedadi sarda cun capitali a mercau atzionàriu populari". Cun custu obbietivu, de ariseru a merì, Doddore Meloni e is indipendentistas de Malu Entu ant ocupau sa nai Nomentana in tucada de Civitavecchia po Casteddu. "In is úrtimus tempus - precisat Meloni - seus totus testimóngius de s'altivesa de is compagnias de nàvigu chi s'imponint is prétzius insoru, prétzius foras de contu po su contestu económicu". Sa Giunta bolit resòlviri sa cosa afitendi unus cantu nais de su mes'e làmpadas a su mes'e cabudanni. Ma, acrarat Meloni, custa solutzioni est scéti "un'arremédiu po debbadas". De su mes'e ledàminis a su mes'e maju, difatis, is sardus iant a depi pagai is prétzius impostus de su cartellu de nàvigu. "S'ocupatzioni de sa Nomentana at a sighiri "in forma fissa' po sensibilitzai a su Guvernu sardu a agatai una solutzioni chepari a sa nostra. S'única solutzioni chi si podit tenni - concluit su leader de Malu Entu - est cussa de pigai sa propriedadi navali".