Tocat a dd'acabbai cun is esercitatzionis militaris in Sardigna? Is civilis no participant a is traballus de su Comipa

(IlMinuto) - Casteddu, 25 de su mes'e maju - Stop provisoriu a is esercitatzionis militaris in Sardigna. Lúnis passau is civilis de su Cumitau ammasturau pariteticu asuba de is fainas militaris in s'Ísula no ant participau a sa reunioni avisada de su Cumandu de sa Marina militari in Casteddu, frimmendi a is proceduras burocraticas necessàrias a tenni su permissu po is esercitatzionis de su mes'e argiolas a su mes'e paschixèdda de su 2011. "Is chistionis chi bessint a pillu de is acuntéssias acapiadas a is fainas militaris in Sardigna - acrarant is consilleris Aramu, Cherchi, Fiori, Fronterrè, Mocci, Orrù e Tanas - funt arribbadas a unu puntu chi no permitint a nisciunu un'acostamentu scuscentziau o, peus ancora, scalabrinau a fac'e is cusseguéntzias, comenti si aprovai a is programas e duncas acotzai a totus is operatzionis acapiadas, fessat unu mamentu diversu e senz'e acapiu lógicu […] cun is efetus chi faint custas operatzionis".