Sanidadi: Caligaris (Sdr): "In Casteddu maladius mentalis senz'e dinai de cincu mesis

(IlMinuto) - Casteddu, 26 de su mes'e maju - De cincu mesis su Comunu de Casteddu no donat su dinai a is maladius mentalis. Ddu denunciat cun d-una nota Maria Grazia Caligaris, presidenti de s'assótziu "Socialismo Diritti e Riforme". "S'úrtimu agiudu de su Comunu de Casteddu - acrarat sa rapresentanti socialista - est stetiu donau su mes'e paschixèdda passau. De insaras is 173 eurus a su mesi funt stetius liausi e no si scit candu ddus ant a torrai a donai".S'assótziu narat, in is úrtimas diris de guvernu, a su síndhigu Emilio Floris, chi "primu de lassai s'incàrrigu - precisat Caligaris - si pighit un'impignu formali po resòlviri ancora una borta a sa chistioni".