Mostras: a sa tertza editzioni "Bisendi màginis"

(IlMinuto) – Casteddu, 9 de su mes'e maju - In Tàtari torrat su disignu po sa crialla. De su 13 a su 23 de su mes'e maju su Palatzu de sa Frumentaria at a aghilliri sa mostra "Sognando Immagini". A sa sólita aparada s'ant a afiancai apuntamentus po is iscolas elementaris e médias. Ant a participai a sa rassegna s'autori-disignadori Matteo Gubellini, sa disegnadora Sonia Maria Luce Possentini e Lola Barcelò, dirigenti editoriali de Kalandraka Itàlia. A s'accabbu de su períudu de aparada "'Sognando Immagini' at atobiai cun su púbblicu suu in su territóriu provintziali" diventendi una "mostra chi si andat in is iscolas, in is entis, in is assótzius, in bibbliotecas". S'eventu est promòviu e aprontau de s'assótziu culturali "Attraverso lo Specchio" cun s'apógiu e s'acotzu de su Comunu de Tàtari e de sa Provìntzia de Tàtari e cun s'acotzu de su Centru Serbítziu Culturalis de sa "Società Umanitaria" de S'Alighera e cun s'agiudu de unus cantu de editoris italianus tra is prus connotus.