Milla nono a s’omofobia. In Casteddu corteu e concertu contr’a sa discriminatzioni

(IlMinuto) – Casteddu, 23 de su mes'e maju - "No boleus tolleràntzia, boleus diritus". E sa genti de is diritus est pronta a tzerriai sa própriu preséntzia cun fortza e dignidadi e no si frimmat nemmancu asuta de s'àcua. In medas, pagu prus de milla personis, sàbudu passau funt aprobiaus in su corteu contr'a s'omofobia de Istadu aprontau de Arc Casteddu, sfilendu contr'a su pregiusitziu, s'ignoràntzia e po arremaciai ca s'amori non tenit sessu, cabori e andat addia de dógnia tipu de intolleràntzia. Su corteu, tucau a is 17.30 de pratza Garibaldi, s'est moviu po is arrugas de su centru cun slogan, striscionis e caboris - a sa preséntzia de óminis e féminas de dógnia edadi, assótzius e políticus - no fadendi contu de is próprius gustus sessualis. Totu custu est stetiu arremaciau de is fueddus de sa boxi de manifestada, Tiziana di Benedetto, chi at tzerriau ca "su diritu negau a una personi scéti est unu diritu negau a totus". De innoi depit tucai un input legislativu chi frimmit e castighit a s'omofobia de s'itàlia, fatuvatu acotzada de formulas de caserma donadas de is políticus e de sa genti de guvernu etotu, a custus est stetiu donau s'abbisu "totus nos si seus castiendi". Sa manifestada est acabbada in pratza Garibaldi cun d-un'ispetàculu chi at biu sa participatzioni de Gianni Dettori, Marascia, Ezechiele 25/17, Getta a bibiri social club, Jerry, Larry and the Shy Boys, Venefica & Revenant, Le donne di carta, Monica Serra e le drag queen La Trave Nell’Okkio, Sillycon Drop, Sequencè, Golden Lady, Lil’ Brit, Proud Mary.