Militarizatzioni: frimmaus is cantieris po su fàbbricu de is radar "contr'a is furesteris"

(IlMinuto) – Casteddu, 16 de su mes'e maju - Sighit sa mobilitada contr'a su fàbbricu de is rada "contr'a is furesteris" in is comunus de Santu Antiogu, Frùmini Mayori, Tresnuraghes e Tàtari. "De calencuna diri - si ligit in d-unu comunicatu fattu connosci atressu de internet de su Cumitau 'No Radar Capo Sperone' - cuatru cantieris militaris po su fàbbricu de is radar funt stetius ocupaus e frimmaus. Pichetus diri e noti impedint de torrai a pigai is traballus chi in tot'i duus is acontéssias funt duraus scéti una diri o duas. Is fàbbricus iant a depi essi cuatru in Sardigna, prus àterus 14 spaniaus in Itàlia e faint parti de su progetu de s'Unioni Europea de afortiamentu de is làcanas foranas de sa "Fortalesa Europa" in difesa de is fruminis de is furesteris chi lompint de s'Africa de Tramuntana". "Sa dita apaltadora - acrarat sa nota - est Almaviva de su grupu Finmeccanica mentris totu s'òpera est in is manus de sa Guardia de Finantza".