Isciòpiru generali Cgil: manifestadas in totus is provìntzias. S'adesioni de sa Fds

(IlMinuto) – Casteddu, 5 mes'e maju - Casteddu, Tàtari, Nùgoro, Aristanis, Terranòa, Tortuelie, Igrèsias e Santu 'Engiu: funt otu is manifestadas in programma cras a mangianu in Sardigna po s'isciòpiru generali avisau de sa Cgil. "Prevideus - at nau su segretàriu regionali de sa Cgil Enzo Costa - una participatzioni manna. Addolumannu sa crisi corpit totus is cumpartus, de is produtzionis industrialis fintzas a arribbai a su sistema turisticu". A s'isciòpiru at  participai puru sa Fds de sa provìntzia de Casteddu. "Iat essi stetiu mellus - precisant is segretàrius provintzialis de sa Fds Giuseppe Stocchino (Prc) e Jose Manca (Pdci) – un'isciòpiru de ot'oras po totus is categorias. Ma cumbidaus a totus is traballadoras e a is traballadoris, precàrius, istudiantis, disimperaus e cassintegraus a participai a s'isciòpiru".