Girotonno 2011: a sa IX editzioni sa manifestada gastronòmica internatzionali de Carluforti

(IlMinuto) – Casteddu, 10 de su mes'e maju - Girotonno 2011 arribbat a sa IX editzioni. Puru ocannu de su 2 a su 5 de su mes'e làmpadas in sa citadi de Carluforti at a torrai sa rassegna enogastronòmica internatzionali de sa turina de calidadi, chi afestat a sa traditzioni acapiada a sa tunnara. Totu sa manifestada, difatis, si movit ingíriu a su rituali de sa matàntzia. Coru de sa cosa at essi comenti sèmpiri sa manifestada gastronòmica internatzionali, aundi chef de totu su mundu s'ant a cunfrontai in d-una gara chi at a tenni comenti ogetu cussu de coxinai una pitàntzia cun sa turina prus bella, sa Tunnus tynnus. Is cuncurrentis de ocannu ant a depi impitai unu scarteddu de prodotus sardus e a custus ant a podi aciungi a praxeri duus ingredientis jolly. Su bincidori at essi sceberau de una giuria de 12 espertus e su presidenti est su giornalista enogastonomu Angelo Concas, presidenti de s'Académia Epulae e segretàriu regionali de s'Arga Sardigna.