Ecunumia: artesanus e butegajus in pratza contr’a Equitalia

(IlMinuto) – Casteddu, 11 de su mes'e maju - "Torreusindi a pigai sa dignitadi nostra. Serra su traballu tuu e participa a s'isciòpiru". Est custu s'apellu chi su Movimentu artesanus e butegajus liberus fait a is sardus primu de sa manifestada de cras 12 de su mes'e maju. Is participantis s'ant a agatai a is 8.30 a fac'e s'intrada de sa Fiera de Casteddu po arribbai a fac'e sa sedi de su Consillu regionali. Su Movimentu puntat su didu contr'a Equitalia, sociedadi de coberantza acusada de ponni in genugu unu númeru mannu de impresas sardas giai fertas de sa crisi (ndr, de su tema at a chistionai s'artículu de Chistionis e Opinionis in programma po cras). A sa redatzioni de IlMinuto est arribbau puru unu comunicau de adesioni a sa manifestada fattu connosci de s'Assótziu "Vessati Italiani Solidali" ("Avi-s"). "Eus a fai intendi a is politicantis - si ligit in sa nota - s'istrobbu chi funt bivendi is atividadis commercialis, de is artesanus e cussas produtivas sardas sèmpiri prus spremias de unu fiscu iniqu e de una sociedadi chi est portendi a sa morti mili e prus de milli impresixeddas".