Diritus. ProgRes: "Eja a istituiri su registru de is Unionis civilis in Tàtari"

(IlMinuto) – Casteddu, 31 de su mes'e maju - "Pensaus cun frimmesa ca totus is citadinus sardus ponedu a parti is gustus sessualis e s'identificatzioni de genia depant tenni diritus elementaris comenti cussu de s'assignu familiari, sa reversibilidadi de sa pensioni, sa parti de is benis de su pobiddu o de sa mulleri, s'assistu in is ispidalis etc". Cun custus fueddus s'organizatzioni indipendentista Progetu Republica s'arringherat in faori de sa proposta de fai unu Registru de is Unionis civilis in Tàtari, proposta fatta de unus cantu consilleris comunalis. "Si ddu bolint - narat ProgRes - is istitutzionis sardas podint giai fai política soveranas in matéria de amparu de is diritus de is citadinus suus[…]. ProgReS, duncas, bit cun faori sa proposta de su consillu comunali de Tàtari e sperat chi cust'atzioni filla de s'aria europea possat essi de esémpiu po totus is comunidadis de sa natzioni sarda".