"Deu no seu italianu". Meloni (Malu Entu) puntat a sa cunditzioni de apolidi

(IlMinuto) – Casteddu, 3 de su mes'e maju - Arribbai a sa cunditzioni giurídica de apolidi. Cun custu obbietivu Doddore Meloni, indipendentista de Malu Entu, at presentau - segundu s'Acórdiu de New York de su 28 de su mes'e cabudanni de su 1954 - a is istitutzionis italianas "sa dimandha de'"dennegu', po nàscidas etnicas, de s'apartenéntzia a sa natzioni italiana". Sa cosa at essi presentada custu mangianu - in d-una cuferéntzia de imprenta chi s'at a tenni in d-unu de is principalis hotel de Casteddu - a tres annus giustus giustus de cussu chi Meloni etotu definit "sa torrada in sa política sardu indipendentista fainera".