"Bolint tupai sa buca a is traballadoris". Sit in Usb a fac'e sa sedi de Cgil, Cisl e Uil

(IlMinuto) - Casteddu, 24 de su mes'e maju - "S'acórdiu sutascritu de Cgil, Cisl e Uil e sindacaus autónomus chi spostat in su mes'e martzu de su 2012 is eletzionis Rsu est sa cunfirma prus crara de sa boluntadi de totus is sindacaus, sarbu Usb, de no fai espressai democraticamenti is traballadoris púbblicus". Est custu giudítziu forti meda chi at fatu movi su sindacau de basi Usb a aprontai, cenàbara passau, una fibera de sit in a fac'e is sedis de Casteddu de Cgil, Cisl e Uil. Senz'e rinviu de is eletzionis de is Rsu a su 2012 "is traballadoris iant ai puru tentu s'ocasioni de donai unu própriu giudítziu asuba de sa riforma Brunetta e asuba de sa traitoria de calencunu sindacau precisu". Su sindacau de basi denunciat a unu "patu de basi nou po tupai sa buca a is traballadoris pighendiddis una bella fita de salàrius e diritus".