Acuntéssia Sairu: "sa fortza de sa genti" frimmat a su cummissàriu

(IlMinuto) – Casteddu, 27 de su mes'e maju - Angelo e Rosalba Sariu no funt a solus. Mérculis funt stetias pagu prus de milla is personis (Movimento Pastori Sardi, Irs, Sardigna Natzione Indipendentzia, assótzius de su logu e unu númeru mannu de citadinus sardus) chi ant frimmau a su cummissàriu de Crabònia lompiu a Terra Segada cun s'obbietivu de nci bogai a sa família Sairu de sa domu colonica de 300 metrus cuadraus e de 120 ètarus de terra bendius a s'asta scéti po 150milla eurus. Ingunis ddoi furiant puru Aurora Pigliapochi e Giampiero “Zampa” Marras de Sni. Marras fueddat asuba de sa chistioni cun d-una nota firmada impari a su cordinadori natzionali Bustianu Cumpostu. "Su tentativu de fura legalitzada madau ainnantis atressu de Equitalia - acrarant Marras e Cumpostu - e de fai fai a su cummissàriu iat essi potziu acontessi mérculis 25 de su mes'e maju, ma sa fortza manna de sa genti filla de Sardigna, at protegiu a is benis de Angelo e Rosalba storrendi a is furonis chi cun segeresa funt protegius de sa giustissa, e chi furiant segurus de fai spogliu fàcili".