Acuntéssia Bellomonte: puru Malu Entu in pratza pediri su liberamentu de s’indipendentista de aMpI

(IlMinuto) - Casteddu, 30 de su mes'e maju - "No podeus abarrai frimmus e neutralis ananti de su métodu punitivu e de amaletzu impitau de su sistema giuditziariu italianu in is cunfrontus de su presoneri indipendentista Bellomonte". Cun custus fueddus Doddore Meloni annuntziat sa participatzioni de Paris-Malu Entu a sa manifestada aprontada de aMpI po sàbudu 11 de su mes'e làmpadas (16.30, Tàtari) po pediri su liberamentu de Bruno Bellomonte a duus annus de s'arrestu. "Comenti indipendentistas - precisat Meloni - depeus nai a su sistema coloniali italianu ca no si fadeus intimorigiai de is tribbunalis insoru e […] depeus essi presentis a sa manifestada natzionali avisada de aMpI […] poita, cun sa preséntzia nostra, seus avisendi a su poderi coloniali italianu ca, cun métodus paxiosus, oi e cras eus a cumbati a defensa de is diritus nostrus, cumentzendu luegu a pediri su liberamentu de Bellomonte".