Tzerachias militaris: in Casteddu sit in e atzioni simbolica po su "No Chernobyl day"

(IlMinuto) – Casteddu, 20 de su mes'e arbili - Senz'e pàsiu sa Sardigna sighit a nai de nono a s'ocupatzioni de su militari de su territóriu, Custu merì in Casteddu, po su "No Chernobyl Day", s'at a tenni difatis un'atzioni simbolica po "portai s'atentzioni asuba de sa situatzioni sémpiri prus bia de is tzerachias militaris, in Sardigna e in su mundu, e po su prus in Quirra". "A fac'ora de is 17.00 in pratza de su Cramu - aici is aprontadoris contant sa protesta - at a sonai una sirena 'de gherra'. A pustis de su sonu ant a bessiri a foras, diversas personis in mimetica militari chi ant a passai tra sa genti. Comenti is 'militaris' s' acostant is 'civilis' s'ant a crocai in terra, e aici ant a fai agoa de totus is 'militaris' etotu, custu po fai cumprendi ca custa gherra no castiat in faci a nemus". A s'atzioni at a sighiri una fibera de relateddas de parti de su púbblicu e de is aprontadoris, e su ligimentu de is poesias de Mario Brasu, allevadori de Paùlle, e de àterus autoris.