Sanidadi. Usb Sardigna. “Is diretoris nous de is Asl funt stetius bófius de is partidus”

(IlMinuto) – Casteddu, 11 de su mes''e arbili - Is meanager nous de is Asl funt stetius bófius castiendi a s'"appartenéntzia a unu partidu o chi siat acanta a unu partidu", senz''e pigai po nudda in cunsidériu a is féminas. Est cantu denunciat cun d-una nota su sindacau Usb Funtzioni púbblica Sardigna. Cun sa lamada de is manager nous chi pigant su postu de is Cummissàrius totugantu autónomus - precisat perou su sindacau de basi - s'assessori regionali de sa Sanidadi, Antonello Liori, at a tenni fiamenti sa possibbilidadi de "donai diretivas precisas a is diretoris nous". "Diretirvas chi - precisat s'Usb - depint andai, comenti at assegurau s'assessori Liori in diversus atóbius, abia de su propassamentu de su traballu foras de régula e in afitu ecc. e de s'assuntzioni fissa de is traballadoris chi funt in graduatória".