Radar in Capo Sperone: in Santu Antiogu in 400 narant de “nono a un’atzioni noa de colonizatzioni”

(IlMinuto) – Casteddu, 18 de su mes'e arbili - Su corteu contr'a su fàbbricu desu radar de sa Guardia de Finantza in Capo sperone, s'est obertu cun d-unu minutu de silentziu in ammentu de Pierpaolo Pulvirenti e Vittorio Arrigoni. Sàbudu a mangianu pagu prus de 400 personis ant camminau po su centru de Santu Antiogu po nai de nono a cust'àtera tzerachia militari. "Nos - at nau, su 'Minatore Rosso" Antonello Tiddia - seus contr'a su fàbbricu de su radar in dógnia logu e in calisisiat manera. Unu radar chi iat a bociri a s'ecunumia, a su paisaggiu e a sa saludi. Un'àtera atzioni de colonizatzioni de sa Sardigna". Unu corteu fattu de tantis movimentus e assótzius chi ant donau cabori a su corteu ddoi furiant, difatis,  bandheras e striscionis de: su Cumitau "No Radar", de "Disarmiamoli", de su Cumitau "Sinonucle" e de "Sant'Antioco abbraccia il mare", de su Cumitau "Carlofortini preoccupati" e de su Casteddu social forum. Sa manifestada est lompia in pratza Itàlia i est acabbada cun d-una parlata. "Su radar - at acrarau Roberto Bernabeo de su Cumitau No Radar - iat a depi essi fattu in Capo Sperone, impari cun d-una fibera de radar in sa Marina de Àrbus, in sa Marina de Tresnuraghes e in s'Argentiera, cun s'obbietivu de portai a càstiu is camminus de is furesteris de s'Africa de Tramuntana a s'Europa de Meridioni. A custus si summat su rdar de Punta Scomunica in S'Asinàra". Scéti in Santu Antiogu in pagus cidas funt stetias arregortas prus de milla firmas contr'a su fàbbricu de su radar in su Semaforu.