Presonis. Assótziu 5 novembre: "Negau su diritu a sa saludi de is presoneris sardus", gióbia cuferéntzia in Casteddu

(IlMinuto) – Casteddu, 5 de su mes''e arbili - Su retardu in su càmbiu de sa gestioni de sa sanidadi de is presonis, chi dd'iat a depi biri in is manus de is Asl, ndi liat su diritu a sa saludi de is presoneris sardus. Est cantu denunciat cun d-una nota s'Assótziu 5 novembre presidiu de Roberto Loddo chi at aprontau po gióbia chi benit a is 17.00, in sa saba Cosseddu de sa Domu de s'Istudianti, in Casteddu, una cuferéntzia po analizai su stadu de sa sanidadi penitentziària in Sardigna. A s'apuntamentu ant addiriu diversus assótzius chi si ocupant de is chistionis de is presonis. "Cun s'intrada in vigori de su DPCM 1° de su mes''e arbili de su 2008 - acrarat Loddo in d-una nota - funt stetias trasferias a su Serbítziu sanitàriu natzionali is fainas in matéria de sanidadi penitentziària [...]. Is Regionis duncas, atressu de is aziendhas sanitàrias de su territóriu etotu, depint assegurai su cumprimentu de custas fainas in totus is istitutus e serbítziu penitentzàrius. Sa Sardigna, comenti Regioni a Statutu ispeciali, depiat procedi a aghilliri custa norma [...] In custu mamentu su provedimentu no est stetiu ancora adotau. Custu bolit nai simplementi ca a is citadinus presoneris benit negau su diritu a sa saludi".