Presonis. 29 diris po tenni s'arrespusta asuba de s'estraditzioni. Sa lota contr'a sa burocratzia de unu presoneri rumenu

(IlMinuto) – Casteddu, 19 de su mes'e arbili - Sa burocratzia est una de is primus càusas de su "subracàrrigu de is presonis italianas e de s'auséntzia de arrespetu de is diritus de is presoneris". Est cantu narat cun d-una nota Maria Grazia Caligaris, presidenti de s'assótziu Socialismo Diritti e Riforma, denunciendi a s'acuntéssia de A. A. D.  presoneri rumenu in Igrèsias, in abetu de duus annus de s'estraditzioni. Estraditzioni aprovada in su mes'e ledàminis de is autoridadis rumenas e agoa, in su mes'e gennàrgiu de su 2011, passada a s'esàminu de sa Camera de consillu de sa Corti de Apellu de Roma.
Mancai is líteras po si movi debressi A. A. D. sighit a essi presoneri in Sardigna. "S'ómini no endi tentu arrespusta a is diversas líteras, coiau e babbu de duus pipius de 6 e 4 annus - precisat Caligaris - at fattu 29 diris de isciòpiru de su fàmini. Agoa est stetiu cumbintu a dd'acabbai cun custa protesta, puru no endi tentu arrespusta, po no fai mabi a sa saludi sua etotu".