"La luce incisa": mostra de Rembrandt in su Museu Paleontologicu de sa Miniera de Serbariu

(IlMinuto) – Casteddu, 4 de su mes''e arbili - 68 incisionis originalis de su pintori olandesu Rembrandt, tra is rapresentantis prus importantis de s'arti de su XVII séculu. Una mostra custa, chi est statia apariciada in Crabònia de sàbadu 26 de su mes''e martzu, aghillia in aposentus de su Museu Paleontologicu de sa miniera de Serbariu. Agoa de Juan Mirò, Rembrandt sighit unu camminu artísticu chi bit sa citadi de su craboni ammostai s'intentu de diventai citai culturali. S'aparada chi tenit comenti títulu "La luce incisa", est stetia aprontada de su Comunu de Crabònia e de sa coperativa Mediterranea. Issa nascit de un'acórdiu cun s'enti Sistema Musei de Perugia e cun s'apógiu de Regioni Autónoma de sa Sardigna e de sa Provìntzia de Crabònia-Igrèsias. Sa mostra, curada de Alice de Vecchi, ponit impari òperas chi arribbant de diversus museus europeus. Po duus mesis unu terzu de is incisionis fattas de su maistu olandesu asuba de losas de ràmini at abarrai in sa citadi surcitana.