Eletzionis comunalis in Sìnnia: "Nisciunu acotzu indipendentista a Paolo Zedda". Sni, Irs, Malu Entu e aMpI smincint a S'Unioni Sarda

(IlMinuto) – Casteddu, 13 de su mes''e arbili - Irs, Sni, aMpI e Malu Entu no ant a acotzai sa candidadura de Paolo Zedda de is Rossomori a síndhigu de Sìnnia. Cun d-una fiberas de notas de imprenta is scuadras políticas smincint a un'artículu bessiu ariseru in S'Unioni Sarda. A cantu narat su scritu - firmau Andrea Manunza - is cuatru scuadras iant a acotzai a sa candidadura a síndhigu de Zedda in d-un'alleàntzia cun partidus comenti "Sinistra Ecologia e Libertà" e "Italia dei Valori". "Sminceus cun fortza custa afirmadura - precisat Cumpostu po Sni - poita su movimentu nostru, sendu indipendentista, no iat a podi mai acotzai a alleàntzias italianistas, de sa dereta o de sa manca". Precisatzionis anàlugas funt arribbadas de aMpI, Irs e Malu Entu. In Sìnnia andat invecis ainnantis s'agiudu càmbiu tra is diversas ànimas de s'indipendentismu. "Cust'agiudu càmbiu - precisat Irs Sìnnia - no s'at a fai cabai in campu in is eletzionis de su comunu, ma s'at a biri unius asuba de obbietivus comunus comenti sa lota contr'a su nucleari e a sa privatizatzionis de sàcua púbblica , ma no scéti po custu, puru po is eletzioni sighentis de su tempus benidori".