Apretu traballu: cras manifestada de Cgil, Cisl e Uil. Giunta asuta de acusa

(IlMinuto) – Casteddu, 19 de su mes'e arbili - "Fintzas a immoi is atzionis de sa Giunta regionali po afrontai a s'apretu ocupatzioni e po afrontai a sa crisi industriali funt stetias scassas meda e su Guvernu natzionali est intervenniu scéti po ndi liai risorsas a sa Sardigna, abarrendi senz'e fai nedda a fac'e de sa crisi económica e sociali de s'Ísula". Est cantu denunciant Cgil, Cisl e Uil in su bolantinu chi at essi donau cras in sa manifestada chi s'at a tenni in Casteddu. Su corteu at a tucai a is 9.00 de bia Roma, a fac'e sa sedi de su Consillu regionali, po lompi in sa sedi de sa Giunta regionali de s'arburada Trento e a Villa Devoto.