700 citadinus de sa Tunisia ant essi inserraus in d-una caserma in Casteddu Giunta regionali: "Determinu de is meris mannus"

(IlMinuto) – Casteddu, 6 de su mes''e arbili – Est giai in grofu de Casteddu sa nai chi trasportad pagu prus de 700 tunisinus arribbaus in is diris passadas in Lampedusa. Is furesteris ant essi inserraus in d-una caserma abbandonada chi s'agatat in s'arburada Elmas, in Casteddu e chi est de propriedadi de s'Aereonautica Militari. Su determinu, pigau ariseru de su Prefetu de Casteddu Giovanni Balsamo, parrit sminiciri is impignus pigaus de su Guvernu cun sa Regioni Sardigna. "Regioni e Comunu - ant nau Ugo Cappellacci e Giorgio La Spisa – s'agatant a depi fai is contus cun d-unu determinu pigau de is meris mannus. Custa disposta no pigat in cunsidériu is atóbius fattus in Roma, aundi sa Sardigna, comenti ant fattu su prus de is Regionis italianas, iat manifestau disponibilidadi a s'acasàgiu, precisendi ca su sceberu de is logus iat depi essi fattu de acórdiu cun is comunidadis de su logu".