UN'ANNU FAIT. Catalogna: su 92,4 po centu de is votantis narat eja a su referendum líbberu po s’indipendenzia de sa Spagna

(IlMinuto) – Casteddu, 5 de su mes”e martzu de su 2010 – “Ses de acórdiu chi sa Nazioni Catalana diventit unu Stadu de Diritu, Indipendenti, Democràticu e Sociali, insertau a s’Unioni Europea?”. Est cantu dimandhat su referendum líbberu de domìnigu passau, unu referendum chi at biu unu nùmeru de votantis artu meda, chi at biu su 92,04 po centu de is participantis a su votu, unu votu chi at biu nai eja a su 21,7 po centu de sa genti de 80 comunus de sa Catalogna. S’indipendentismu catalanu fait duncas unu biaxi de passus ainnantis; custu bidit s’interessu de is controlloris internazionalis de sa Sardigna chi furiant presentis po s’istoricu cussurtu: Gavino Sale de s’Irs e Claudia Zuncheddu de is Rossomori (scuadra chi cras a mangianu in Casteddu at a bivi sa própriu assembrea costituenti). “Oi, prus de sèmpiri, – declarat Claudia Zuncheddu – est importanti chi sa Sardigna e totus is fortzas indipendentistas, progressistas e indentitarias puntint is próprius ogus in su ‘processu’ chi est afirmendusì in Catalogna”. “Sa natzioni de sa Catalogna – precisat s’esponenti sardista de sinistra – bollit su diritu a sa própriu soverania e si presentat comenti ‘leader’ in Europa de unu caminu de autonomia. Po custu est stetiu de importu mannu su consillu pópolari de su 28 de su mes”e fiàrgiu.