Trasportus: 14 millionis de tàglius po s'Arst. Is sindacaus: "a arriscu 190 postus de traballu"

(IlMinuto) – Casteddu, 14 de su mes''e martzu - S'irminorigamentu de 1,5 millionis de chilómitrus fattus de is postalis, sa suspensioni a tempus indeterminau de su Trenixeddu Birdi in totus is línias turisticas de sa Sardigna e su tàgliu de su 30 po centu de is tàglius de is serbítzius ferruviarius destinaus a is traballadoris e a is istudiantis. Funt custas is cusseguéntzias de is tàglius grais a is finantziamentus de s'Arst bófius de sa Giunta Regionali cun s'úrtima lei finantziaria. Ddu denunciant cun d-unu comunicau de imprenta unitariu is segreterias regionalis de Cgil, Cisl, Uil, Cisal e Ugl. Custu irminorigamentu de is finantziamentus - 12 millionis de mancu po is trenus e 2 millioni de mancu po is postalis - at a causai puru unu lestru irminorigamentu de casi su 10 po centu de is traballadoris in s'aziendha. "Su subraprus de su personali - denunciant is sindacaus - est stetiu determinau de s'aziendha in 190 traballadoris, de custus, 40 in sa ghia de is postalis e 150 in su cumpartu ferruviariu".