"Tennistavolo": sa Marcozzi bincit in Lombardia e abetat a s'isfida cun su Cuns Torino

(IlMinuto) – Casteddu, 9 de su mes''e martzu - A pustis de tres mesis sa Marcozzi torrat a binci in su campionau de serie A1 maschili de "tennitavolo". Cenàbara passau sa scuadra casteddaia at batiu a sa Pieve Emanuele Unione Trade po cuatru partidas a duus. "Custa borta - at cummentau su ténnicu Antonio Gigliotti - sa bitória est arribbada gratzias a su cuntribbutu de totus. Candu fait sa parti sua, po sa concuista de is obbietivus importantis, sa scuadra diventat cumpetitiva". Po sa Marcozzi su mes''e martzu est cummentzau beni. In custu mesi su team casteddaiu at a depi afrontai tres garas de file 'e pari: cenàbara 11 e  cenàbara 18 arribbant a Mulinu Becciu is piemontesus de sa Cus Torino e e a pustis sa Verzuolo. Sàbudu 26 trasferta difícili Paiuscato Este.