"Su Campidanu de Mesu no podit fai de mancu de s'industria", in Seddori atóbiu asuba de sa contienda Portovesme srl

(IlMinuto) – Casteddu 30 de su mes''e martzu - "Un'ecunumia de importu mannu no podit fai de mancu de sa preséntzia de s'industria, puru in d-unu territóriu agricolu comenti su nostru". Dd'ant nau cenàbara passau su presidenti de sa Provìntzia de su Campidanu de Mesu, Fulvio Tocco, e s'assessori provintziali de su Traballu, Simona Lobina, in d-un'atóbiu cun is sindacaus asuba de sa contieda de sa Portovesme srl de Santu 'Engiu. In s'atóbiu, chi s'est tentu in sa sedi de sa presidéntzia de sa Provìntzia in Seddori, is partis "nonostanti is prumissas de trasformai s'industria" ant espressau "s'apensamentu po is interessus de sa Portovesme srl, apensamentus chi nascint poita parrit chi trasformai a s'industria de su Campidanu de Mesu est diventendi unu bisu. Indistria custa chi est una de is pagus realidadis scampadas a su scollu de s'industria in su territóriu".