“Sindrome de Quirra”: Legambiente puru pedit de “frimmai” s’atividadi de su Poligonu: Cumpostu (Sni): “Tocat a s’ammostai de mancu serbint fatus”

(IlMinuto) – Casteddu, 2 de su mes''e martzu - "In Quirra de tempus meda is personis si pigant mali mandiadoris malus e morrint. Su númeru de custus malis bastat a ndi liai debressi a is esercitazionis". Cun custus fueddus su presidenti de Legambiente Sardigna, Vincenzo Tiana, sighit - cun d-una nota de imprenta - a is àteras boxis chi pedint de frimmai is atividadis de su Poligonu. "Sa magistradura e su Parlamentu - afirmat Tiana - ant a sighiri is spricullitus ma no si podit abetai ancora, tocat a frimmai is atividadis militari abetendia is  istudius cumplessus e longus asuba de sa cosa". Asuba de sa chistioni fueddat puru Bustianu Cumpostu precisendi ca "Tocat a s'ammostai de mancu serbint fatus". "Tocat a dd'acabbai - precisat su rapresentanti indipendentista - cun custu andai e torrai in  Quirra, no est unu santuàriu audi fai postas de 's'arrosàriu' politichesu". Po su cordinadori de Sardigna Natzione Indipendentzia is responsàbbilis de su Poligonu depint donai debressi sa mapa de is "logus trumentadas po mori de s'uraniu impoveriu". "Senz''e su disignu de is logus trumentaus - acrat Cumpostu - sendu s'uraniu impoveriu pagu radioativu est incolliosu de agatai, is tempus de relevamentu s'ant a allonghiai meda e sa genti at a sighiti a morri".