Saludi: in Làconi assembrea púbblica asuba de is pirígulu de s'amiantu

(IlMinuto) – Casteddu, 21 de su mes''e martzu - "Chistionai de sa preséntzia de s'amiantu in is domus nostras e in su territóriu de Làconi". Cun custu intentu s'amministratzioni de sa bidda in provìntzia de Aristanis at aprontau po cenàbara 25 de su martzu a is 17.00 un'assembrea púbblica chi s'at a tenni in sa saba consilliari de su Comunu. "Comenti scint totus - si ligit in d-unu comunicau de imprenta - s'amiantu est una sustàntzia chi produsit su cancuru, chi provocat e at provocau dannus mannus a sa saludi de totus nos. In custu atóbiu ant essi ammostadas is leis po is cuntribbutus chi podint essi dispensaus in faori de is privaus e de is Comunus". A s'assembrea, presentada de su síndhigu Paolo Pisu, ant a participai s'Assessori a s'Ambienti, Emanuela Cera, su presidenti de s'Assótziu ex-espostus amiantu de sa Provìntzia de Aristanis, Giampaolo Lilliu, su rapresentanti de s'Assótziu italianu espostus amiantu Sardigna, Salvatore Garau e su Diretori de s'Anci Sardigna, Umberto Oppus.

Conclusionis de s'assessori regionali de s'Ambienti Giorgio Oppi.